Самарқандда Captiva машинаси ёниб кетди

Самарқанд шаҳридаги кўчалардан бирида тўхтаб турган Captiva машинаси ёниб кетган. Бу ҳақда вилоят ИИБ ахборот хизмати хабар бермоқда.

Маълум қилинишича, жорий йилнинг 3 август куни соат 16:20ларда Самарқанд шаҳар, Мирзо Улуғбек кўчасида жойлашган 4-оилавий поликлиника автотураргоҳида тўхтаб турган Captiva машинасининг двигатель қисмида ёнғин юзага келган.

Ҳодиса ҳақида шаҳар ФВБга хабар тушгандан ҳодиса жойига ёнғин ўчириш бўлинмаси етиб борган ва ёнғин ўчирилган. Мазкур ёнғин ҳодисасида ҳеч ким жароҳат олмаган. Captiva машинаси эса яроқсиз ҳолга келган.

Қайд этилишича, мазкур ҳодиса юзасидан ҳудудий ФВБ ва ИИБ ЙҲХБ ходимлари томонидан суриштирув олиб борилмоқда. Ёнғиннинг келиб чиқиш сабаблари ва етказилган зарарга аниқлик киритилмоқда.