Вазирлар Маҳкамасида қатор тайинловлар амалга оширилди

Ўзбекистон Республикаси Вазирлар Маҳкамасида бир қатор тайинловлар амалга оширилди. Бу ҳақда ҳукумат порталининг “Телеграм”даги расмий канали хабар берди.

Вазирлар Маҳкамасининг қарорига кўра:

Шерзод Каримов Вазирлар Маҳкамаси Таълим ва соғлиқни сақлаш масалалари котибияти мудирининг ўринбосари этиб;
Шарифбек Ҳасанов Вазирлар Маҳкамаси Туризм, спорт, маданият ва оммавий коммуникациялар масалалари котибияти мудирининг ўринбосари - Туризм ва спортни ривожлантириш масалалари шуъбаси мудири этиб;
Алишер Назармуҳаммедов Вазирлар Маҳкамаси Туризм, спорт, маданият ва оммавий коммуникациялар масалалари котибиятининг Маданият ва санъатни ривожлантириш масалалари шуъбаси мудири этиб;
Шаҳобиддин Мусаев Вазирлар Маҳкамаси Туризм, спорт, маданият ва оммавий коммуникациялар масалалари котибиятининг Оммавий коммуникациялар ва ахборот очиқлигини таъминлаш масалалари шуъбаси мудири этиб тайинланди.