Афғонистон ҳукумати матбуот маркази раҳбари ўлдирилди

Минапалга қилинган ҳужум учун жавобгарликни "Толибон" ҳаракати ўз зиммасига олган.

Фото: AP Photo/Rahmat Gul

Афғонистон ҳукумати матбуот маркази раҳбари ва мамлакат президентининг собиқ матбуот котиби Даво Хон Минапал ўлдирилди. Бу ҳақда ўз манбаларига таяниб Tolo телеканали хабар берди.

Associated Press агентлиги маълумотига кўра, Минапалга қилинган ҳужум учун жавобгарликни "Толибон" ҳаракати ўз зиммасига олган.

Толиблар вакили Минапал "қилмишига яраша жазосини олган"ини айтган.

Афғонистон ҳукумати бу воқеа борасида ҳозирча изоҳ бермади.