Ўзбекистонда 30 йил ичида доимий аҳоли сони 13,9 млн кишига ошган

Давлат статистика қўмитаси маълумотларига кўра, Ўзбекистон Республикасида 1991 йилда доимий аҳоли сони 20,6 млн кишини ташкил этган. 

Қайд этилишича, республиканинг доимий аҳолиси сўнгги 30 йил ичида 13,9 млн кишига ошган. 

Билдирилишича, 2021 йилнинг 1 январь ҳолатига кўра, республиканинг доимий аҳолиси сони 34,5 млн кишини ташкил этган. 

Аввалроқ, Ўзбекистонда доимий аҳоли сони қарийб 35 млн кишига етгани хабар берилганди. 

Ўзбекистон Республикасининг доимий аҳолиси сони йил бошидан 301,3 минг кишига ошган. 2021 йилнинг 1 июль ҳолатига кўра, республиканинг доимий аҳолиси сони 34,9 млн кишини ташкил этмоқда. 

Доимий аҳолининг ўсиш суръати 101,9 фоизга тенг. Мамлакат аҳолиси йил бошидан ҳар ойда ўртача 50,2 минг кишига кўпайган. 2021 йилнинг ҳар бир кунида доимий аҳоли сони ўртача 1,7 минг кишига ошган.