O‘zbekistonda doimiy aholi soni qariyb 35 mln kishiga yetdi

O‘zbekiston Respublikasining doimiy aholisi soni yil boshidan 301,3 ming kishiga oshdi. Bu haqda Davlat statistika qo‘mitasi xabar berdi.

Qo‘mita ma'lumotlariga ko‘ra, 2021 yilning 1 iyul holatiga ko‘ra, respublikaning doimiy aholisi soni 34,9 mln kishini tashkil etmoqda. 

Qayd etilishicha, doimiy aholining o‘sish sur'ati 101,9 foizga teng.

Mamlakat aholisi yil boshidan har oyda o‘rtacha 50,2 ming kishiga ko‘paygan. 2021 yilning har bir kunida doimiy aholi soni o‘rtacha 1,7 ming kishiga oshgan.