Сурхондарё вилояти Жарқўрғон туманида мактабнинг эски биносини бузиб олишга ҳужжат қилиб беришини айтиб фуқародан пул олиб, ўзлаштириб юборган мактаб ходимига жиноий иш қўзғатилди.
Маълум қилинишича, 2021 йил 25 июл куни Жарқўрғон туманининг Гулҳовуз маҳалласида яшовчи, Х.Чори туман ИИБга ариза билан мурожаат қилган. Мурожаатда ёзилишича, Жарқўрғон тумани Ҳайитобод маҳалласида яшовчи Х.Жума ўзи ишлайдиган мактабнинг эски биносини бузиб олиши учун ҳужжат қилиб беришини ваъда қилган. Сўнг 2018 йил июлдан 2019 йил июлгача жами 74,7 миллион сўм олиб, ваъдасини бажармасдан ушбу пулларни ўзлаштириб, ўзининг эҳтиёжларига ишлатиб юборган.
Қайд этилишича, 5 август куни Х.Жумага нисбатан Жиноят кодексининг 168-моддаси 3-қисми «а» банди билан жиноят иши қўзғатилган.
