Қўшимча функционаллар
-
Тунги кўриниш
“17 минг долларга Исроилга юбораман”: Самарқандда гумонланувчи ушланди
Самарқанд шаҳрида фуқарони 17 минг АҚШ доллари эвазига Исроилга ишга юборишни ваъда қилган шахс олдиндан 7 минг доллар бўнак олган вақтида ашёвий далиллар билан ушланди.
Фото: Prokuratura Departamenti
Бош прокуратура ҳузуридаги департаментнинг Самарқанд шаҳри бўлими ҳамда бошқа ҳуқуқни муҳофаза қилувчи органлар ходимлари ҳамкорлигида ўтказилган тезкор тадбирда фуқаро Х.К. қўлга олинди.
Маълум қилинишича, у фуқаро Ф.К.нинг ишончига кириб, уни 17 000 АҚШ доллари эвазига Исроил давлатига ишга жойлаштиришни ваъда қилган.
Келишилган маблағнинг 7 000 АҚШ долларини олдиндан бўнак сифатида олган вақтида гумонланувчи ашёвий далиллар билан ушланган.
Мазкур ҳолат юзасидан Жиноят кодексининг 25 ва 168-моддалари (фирибгарлик) билан жиноят иши қўзғатилган. Ҳозирда тергов ҳаракатлари олиб борилмоқда.
