Ўзбекистонда аҳоли сонига нисбатан ажрашишлар сони камайган. Бу ҳақда Давлат статистика қўмитаси маълум қилди.
Қўмита хабарига кўра, 2020 йилда аҳоли сонига нисбатан қайд этилган ажрашишлар 1991 йилда аҳоли сонига нисбатан қайд этилган ажрашишларга қараганда икки бараварга камайган.
Қайд этилишича, 1991 йилда 33,4 минг ажрашиш ҳолатлари қайд этилиб, ҳар минг аҳоли сонига нисбатан ажрашишлар сони 1,6тага тўғри келган.
Маълум қилинишича, 2020 йилда 28,2 минг ажрашиш ҳолатлари қайд этилиб, ҳар минг аҳоли сонига нисбатан ажрашишлар сони 0,8тага тўғри келган.
