Қўшимча функционаллар
-
Тунги кўриниш
БМТ Афғонистонга озиқ-овқат ёрдами кўрсатишни тўхтатди
БМТнинг Бутунжаҳон озиқ-овқат дастури (WFP) Афғонистондаги “хавфсизлик борасида иккиланиши сабабли” ушбу мамлакатга инсонпарварлик ёрдами кўрсатишни вақтинча тўхтатди. Бу ҳақда Россиянинг БМТнинг Озиқ-овқат ва қишлоқ хўжалиги ташкилотидаги (FAO) ваколатхонаси маълум қилди.
Бироқ WFP Афғонистондаги вазиятни ҳисобга олган ҳолда у ерда ўз ишини давом эттиришга тайёр.
Аввалроқ WFP’нинг расмий вакили Кун Ли ташкилот Афғонистондаги ходимлари ва ҳамкорлари хавфсизлиги кафолатланса, ўз инсонпарварлик дастурларини давом эттириш ниятида эканини маълум қилган. Ташкилотнинг фикрича, ҳозирда Афғонистонда “гуманитар фалокатнинг барча аломатлари” кузатилмоқда. WFP маълумотларига кўра, мамлакатнинг ҳар учинчи фуқароси озиқ-овқат ўткир етишмовчилигидан азият чекади.
19 август куни “Толибон” БМТдан Афғонистондаги гуманитар фаолиятини давом эттиришни сўраган. Толиблар, шунингдек, хорижий давлатларга Афғонистоннинг тикланиши ва табиий захираларининг ўзлаштирилишида иштирок этишни таклиф қилган.
Аввалроқ Халқаро валюта жамғармаси ҳам Афғонистонга молиявий ёрдам тўхтатилишини эълон қилганди.
АҚШнинг Афғонистондан кетиши
Мавзуга оид
12:51 / 05.12.2025
«Ҳақиқат бўлишига жуда кучли асослар бор» – БМТ бош котиби Ғазодаги уруш жиноятлари ҳақида
21:23 / 04.12.2025
«Толибон» 13 ёшли болани омма олдида қатлни ижро этишга мажбурлади
08:04 / 04.12.2025
АҚШ БМТнинг украиналик болаларни қайтариш тўғрисидаги резолюциясини қўллаб-қувватлади
20:27 / 02.12.2025