Ўзбекистонлик пара-енгил атлетикачи Токиода кумуш медал олди

27 август куни пара-енгил атлетика дастурининг Т11 классида аёллар ўртасида узунликка сакраш баҳсларида иштирок этган Мирзаёрова 4.91 метр натижа кўрсатган ҳолда 2-ўринни эгаллади ва кумуш медалга сазовор бўлди. 1-ўринни бразилиялик Коста де Оливейра (5 м) эгаллаган бўлса, 3-ўринни украиналик Юлия Павленко (4,86 м) эгаллади.

Асила Мирзаёрова ўзининг шахсий рекордини ҳам янгилади.

Асила Мирзаёрова Ўзбекистон делегациясига иккинчи медални тақдим этди. Мусобақаларнинг биринчи кунида сузувчи Ислам Асланов 100 метр масофага баттерфляй усулида сузиш бўйича бронза медалини қўлга киритган эди.