11 сентябрь куни “Aширов Қаҳрамон” фермер хўжалиги давлатга пахта топшириш режасини бажарди. Aмударёлик Қаҳрамон Aширов ушбу натижа билан Қорақалпоғистонда биринчи бўлди.
Қиличбой овулидаги фермер режадаги 45 тонна ўрнига 45,2 тонна пахта топширган. Фермер 45 гектар ерга пахта эккан.
Хўжалик раҳбари Қаҳрамон Aшировнинг айтишича, давлатга пахта топшириш режасини у 5 иш кунида бажарган. Унинг қўшимча қилишича, кунига 10 тоннадан ортиқ пахта хомашёси териб олинган.
Ҳозирги кунда яна қўшимча 12-14 тонна пахта топшириш режалаштирилмоқда. Хўжаликда 200 нафардан ортиқ теримчиларга пахтанинг бир килограммига 1 200 сўмдан берилмоқда.
Маълумот учун, Aмударё туманида пахта терувчи 290 та терим отрядларида пахта териш ишларига жалб этилган. Жами 23 минг 266 нафар теримчилар ҳосилни йиғишда иштирок этмоқда. Теримчиларнинг 9 минг 283 нафари пахта тўқимачилик клестери ва фермер хўжаликларининг ишчилари бўлиб, 13 минг 983 нафари уюшмаган аҳоли вакилларидан иборат.
Эслатиб ўтамиз, олдинроқ бу йилги пахта йиғим-терими мавсумида Қорақалпоғистоннинг чекка туманларида теримчиларга 230 сўмдан устама ҳақ тўланиши айтилганди.