Ўзбекистонлик тадбиркорлар Душанбада бизнес-миссия ўтказади

Бизнес-миссия доирасида икки мамлакат ишбилармонлари ўртасида «B2B» шаклида музокаралар ўтказилади.

23-24 сентябр кунлари Тожикистоннинг Душанба шаҳрида «Made in Uzbekistan» бизнес-миссияси ўтказилади.

Хабар қилинишича, бизнес-миссия Ўзбекистон инвестициялар ва ташқи савдо вазирлиги ҳамда Тожикистон савдо-саноат палатаси ҳамкорлигида ташкил этилмоқда.

Унда Ўзбекистондаги текстил, чарм-пойабзал, озиқ-овқат, заргарлик, фармацевтика, қурилиш ва мебелсозлик соҳаларида фаолият кўрсатаётган 40 та компания иштирок этади.

Бизнес-миссия доирасида икки мамлакат ишбилармонлари ўртасида «B2B» шаклида музокаралар ўтказилади.

Шунингдек, «Made in Uzbekistan» бренди остида доимий фаолият кўрсатувчи шоурумда маҳсулотлар кўргазмаси ташкил этилади.