Қарши шаҳридаги бозорлардан бирида жойлашган савдо дўконидан пул ўғирлаган шахсга жиноят иши қўзғатилган. Бу ҳақда вилоят ИИБ ахборот хизмати хабар бермоқда.
Маълум қилинишича, жорий йил 22 сентябрь куни Қарши шаҳар «Орзу» бозорида кийим-кечак савдоси билан шуғулланувчи шаҳарнинг «Самарқанд» МФЙда яшовчи Р.Х. Қарши шаҳар 2-сонли ИИБга ариза билан мурожаат қилган.
У ўз мурожаатида 22 сентябрь куни соат 14:00ларда нотаниш фуқаро дўконга келиб, ўзини кийим сотиб оладиган қилиб кўрсатиб, сотувчини чалғитиб, кассадан 2,2 миллион сўм пулларни яширин равишда ўғирлаб кетганини билдирган.
Қарши шаҳар 2-сонли ИИБ ва вилоят ИИБ ППХ ва ЖТСБ ва ППХ батальони ходимлари томонидан олиб борилган суриштирув давомида ўғри қўлга олинган. У Косон тумани «Ушоқтепа» МФЙда яшовчи муқаддам судланган Х.К. эканлиги аниқланган.
Қайд этилишича, мазкур ҳолат юзасидан Қарши шаҳар 3-сонли ИИБ тергов бўлими томонидан жиноят иши қўзғатилган.
