Фото: AP
Италия бош вазири Марио Драги G20’нинг Афғонистон бўйича фавқулодда саммити 12 октябрда бўлиб ўтишини маълум қилди, деб хабар берди “ТАСС” ахборот агентлиги.
Катта йигирматалик гуруҳи (G20) етакчиларининг саммити Римда бўлиб ўтади. G20‘га раислик қилувчи Италия Афғонистон масаласида асосий иштирокчи бўлган АҚШ, Туркия, Хитой ва Россияни музокараларга жалб қилмоқчи. G20 аъзоларидан Франция ва Германия Афғонистондаги вазиятни ҳал қилиш зарурати туфайли саммит ўтказиш ташаббусини қўллаб-қувватладилар.
2020 йил G20 саммити Саудия Арабистони подшоҳи Салмон бин Абдулазиз Ол Сауд бошчилигида 21-22 ноябр кунлари онлайн тарзда ўтказилган эди.
