Сурхондарё вилояти Термиз туманида самарқандлик қидирувдаги шахс қўлга олинган. Бу ҳақда вилоят ИИБ ахборот хизмати хабар бермоқда.
Маълум қилинишича, 2021 йил февраль ойида Самарқанд вилоятида яшовчи К.Ж. Қизириқ туманида Жиноят кодексининг 168-моддаси 3-қисми «б» бандида кўрсатилган жиноятни содир этган. Сўнг, жиноий жавобгарликдан қочиб юрган.
Қайд этилишича, Қизириқ туман ИИБ ҳузуридаги Тергов бўлими томонидан К.Ж.га эҳтиёт чораси сифатида «қамоқ» қўлланилган ва унга нисбатан қидирув эълон қилинган.
Таъкидланишича, жорий йил 2 октябрь куни, Қизириқ туман ИИБ Жиноят қидирув бўлими ходимлари томонидан К.Ж. Термиз тумани ҳудудида юргани аниқланиб ушланган.
