“Толибон” ўз сафини “номуносиб одамлар”дан тозалашга киришди

Аввалроқ Афғонистон ички ишлар вазирлиги вакили Саид Хостий “Толибон” томонидан тайинланган муваққат ҳукумат ўз сафини “коррупциялашган ва номуносиб одамлар”дан тозалаш бўйича комиссияни ташкил этаётганини маълум қилган. Таъкидланишича, гап қариндошлари ёрдамида лавозимлар эгаллаган, жиноятчилар, шубҳали ўтмишга эга шахслар ва маҳаллий аҳоли томонидан хушланмайдиган амалдорлар ҳақида бормоқда.

“Толибон” сафини ёмон ва коррупциялашган одамлардан тозалаш учун ташкил этилган қўшма комиссия бутун мамлакат бўйлаб бугун ўз ишини бошлади”, деб маълум қилган Twitter’да ҳаракат вакили Забиҳулла Мужоҳид.