Беларусь орқали Ямал-Европа трансмиллий магистрал экспорт газ қувури ўтган, дея қайд этди Лукашенко.
Беларусь президенти Александр Лукашенко Ғарбнинг янги санкцияларига жавобан Европага газ транзитини тўхтатиб қўйиш билан таҳдид қилди.
“Польша чегарани ёпиш билан қўрқитмоқчи. Марҳамат, ёпинг: у ерга камроқ қочқинлар боради. Гап бунда эмас”, – дея Лукашенконинг сўзларидан иқтибос келтиради БелТА агентлиги.
“Беларусь орқали транзитни ёпиб қўйсак-чи? Украина орқали ўтмайди: Россия чегараси ёпиқ. Болтиқбўйи орқали йўл йўқ. Поляклар ва масалан, немисларга ёпиб қўйсак нима бўлади? Бизни ўз суверенитетимиз ва мустақиллигимизни ҳимоя қилишда ҳеч нарса тўхтата олмаслиги керак”, – деди у.
Беларусь орқали Ямал-Европа трансмиллий магистрал экспорт газ қувури ўтган, дея қайд этди Лукашенко.
“Биз Европани иситяпмиз, улар эса чегарани ёпиш билан таҳдид қилишяпти. У ерга табиий газ берилишини ёпиб қўйсак-чи? Шунинг учун Польша, Литва раҳбарияти ва бошқа боши йўқларга гапиришдан олдин ўйлашни маслаҳат бераман”, – деди у.
Беларусь ва ЕИ мамлакатлари чегарасидаги миграцион инқироз ёзда, Беларусь президенти Александр Лукашенко ноқонуний мигрантлар оқимига қарши курашмаслигини айтганидан сўнг юзага келганди.
Польша чегара хизматида таъкидланишича, 8 ноябрдан бери республика чегараси яқинида 2-4 минггача муҳожир тўпланган. Улар Европа Иттифоқи ҳудудига ўтишга ҳаракат қилмоқда.
