Бир гуруҳ мигрантлар чегара тўсиғини бузиб Польшага ўтишга уринмоқда

15 ноябрь куни эрталаб Польша-Беларусь чегарасидаги мигрантлар буюмларини йиғиштирган ва улкан сафга тизилиб, “Брузги” ўтказиш пункти томон йўлга тушган.

Фото: EPA/Vostock-photo

Польша чегарасида тўпланган бир гуруҳ мигрантлар тиканли симлардан ўтиб, Польша ҳудудига киришга уринмоқда.

“СБ - Беларусь Сегодня” нашрининг хабар беришича, “Брузги” ўтказиш пунктида тиқилинч юзага келган.

Хабар қилинишича, 15 ноябрь куни эрталаб Польша-Беларусь чегарасидаги мигрантлар буюмларини йиғиштирган ва улкан сафга тизилиб, “Брузги” ўтказиш пункти томон йўлга тушган.

Польша чегара хизмати маълумотига кўра, шанба куни мигрантлар жами 223 марта Польша билан чегарани ноқонуний бузиб ўтишга ҳаракат қилгани қайд этилган.

Шунингдек, чегаранинг Беларусь томонида қуролланган ҳуқуқ-тартибот органлари ходимлари пайдо бўлгани, айрим мигрантлар Беларусь полициячиларининг инструкциялари ва кўздан ёш сиздирувчи газ қўлланишидан кейин палаткаларни йиғиштира бошлагани ҳақида хабар берган.

Тайёрлаган: Дилшод Аскаров

#Польша #Беларусь