Андижонлик талаба қуёш энергиясида юрадиган автомобиль ихтиро қилди

Мазкур қуёшмобилни Андижон машинасозлик институти талабаси Ойбек Умаров ихтиро қилган. Унинг таъкидлашича, бундай автомобиллар чўнтакка ҳеч қанча оғирлик қилмайди.

“Қуёш автомобилларини уй шароитида қўлда ясаганман. Ясашдан мақсад, Ўзбекистонимиз қуёшли ўлка бўлгани учун, шу қуёшдан унумли фойдаланиш мақсадида қуёш автомобилларини ясадим. Пойга машиналари макетини олишимдан мақсад ҳавога қаршилиги камроқ бўлади. Қуввати узоқроққа етади. Пойга машиналари технологияси қанча вазни енгил бўлса, улар жойидан тез юради ва тез ҳаракатланади”, дейди биз билан суҳбатда Ойбек.

Ихтирочи машинаси қурилмалари ҳақида ҳам сўзлаб берди.

“Асосий қисми профилдан қилинган. Тўртбурчак 3 га 3 профил, қалинлиги 2 мм. Атрофи алюкобонд занг босмайди, ҳам иссиқни, ҳам совуқни ўтказмайди. Максимал енгил қилиш учун ҳамма ёғини ўзим қўлда тайёрладим”.

Автомобиль қуёш энергиясидан ташқари электр орқали ҳам қувватланиши мумкин. Уй шароитида ҳам қувватлантирса бўлади. Ихтирочи келажакда мана шундай машиналарни кўпайтириш ва оммалаштиришни мақсад қилган.

Абдували Қурбонов,

Тасвирчи Азизбек Исмоилов,

Монтаж устаси Муҳиддин Нидо