Таъкидланишича, Украина президенти «унинг қўнғироғини кутишаётганига ва унга жавоб беришга тайёрликларига ишонч ҳосил қилмагунича қўнғироқ қилмайди».
Украина президенти офиси раҳбари Андрей Ермак мамлакат президенти Владимир Зеленский россиялик ҳамкасби Владимир Путин билан қандай шароитда телефон орқали мулоқот қилиши мумкинлигини айтди.
Ермакнинг сўзларига кўра, Зеленский суҳбат учун мавзу мавжудлигига ишонч ҳосил қилганидагина Путин билан мулоқотга киришади. Унинг айтишича, Украина президенти «унинг қўнғироғини кутишаётганига ва унга жавоб беришга тайёрликларига ишонч ҳосил қилмагунича қўнғироқ қилмайди».
«Бу йил мулоқот ўрнатиш учун бир марта уриниш бўлди. Суҳбат нима сабабдан ўтказилмаганини эслай олмайман. Шу боис Россия президенти тайёрлиги ва суҳбат учун мавзу борлигига ишонч ҳосил қилинганидан кейингина мулоқот бўлиб ўтади», — деди Ермак.
Аввалроқ Зеленский ўзаро учрашув масаласини келишиб олиш учун Россия президенти Владимир Путинга қўнғироқ қилишга тайёрлигини айтганди.
