БАА ўзбекистонликлар учун мамлакатга кириш бўйича янги қоидалар ўрнатди

Бирлашган Араб Амирликларига кириш учун янги қоидалар ўрнатилди. Бу ҳақда Uzbekistan Airways хабар қилди.

Фото: Kun.uz

Қайд этилишича, 2022 йилнинг 17 январидан бошлаб, Ўзбекистон ва Тожикистондан Бирлашган Араб Амирликларига жўнаб кетаётган йўловчилар қатор мажбуриятларга эгадир.

Улар: намуналар олинган вақтдан бошлаб 48 соатдан кечиктирмасдан берилган, COVID-19’га қарши топширилган тестнинг манфий натижаси тўғрисидаги амалдаги сертификатини тақдим этиш; Дубай/Шаржа аэропортига етиб келгандан сўнг, аэропортда ПЗР тестидан ўтиш;

Йўловчи тест натижасини олмагунига қадар ўзини изоляция қилиши талаб қилинади.

Мазкур қоидалар 2022 йилнинг 17 январидан бошлаб кучга киради.

#БАА #коронавирус