10 февраль куни Ўзбекистон ва Испания ўртасида 2013 йил 5 ноябрь куни Мадрид шаҳрида имзоланган жиноятчиликка қарши кураш соҳасида ҳамкорлик тўғрисидаги битим кучга кирди, деб хабар бермоқда «Дунё».
Ташқи ишлар вазирлиги Ҳуқуқий департаментининг маълум қилишича, ҳужжат уюшган жиноятчилик, терроризм, одам савдоси, ноқонуний миграция, наркотик ва қурол-яроғ савдоси, иқтисодий ва ахборот технологиялари жиноятлари, коррупция ҳамда бошқа турдаги жиноятларга қарши курашиш соҳасидаги ҳамкорликни тартибга солишга қаратилган.
Ушбу шартнома 2014 йилда Ўзбекистоннинг биринчи президенти Ислом Каримов томонидан тасдиқланган.
