Судьялар олий кенгаши матбуот хизматининг хабар беришича, ўз аризаларига кўра, турли вилоятларда фаолият олиб бораётган тўрт нафар судья лавозимидан озод этилиб, ваколатлари муддатидан илгари тугатилди.
Фото: Коммерсантъ
Жумладан:
Тошкент вилояти жиноят ишлари бўйича Зангиота туман судининг раиси Ўктам Холиқов;
Тошкент вилоят судининг фуқаролик ишлари бўйича судьяси Ҳилола Бегалиева;
Андижон вилояти жиноят ишлари бўйича Қўрғонтепа туман судининг раиси Исоқбой Эргашев;
Бухоро вилояти Бухоро туманлараро маъмурий судининг судьяси Маъруф Саидов лавозимидан озод этилган.
Аввалроқ, ўн нафар судья масъулиятсизлиги ва йўл қўйган камчиликлари учун жазолангани ҳақида хабар берилган эди.
