ЕИ Россияга қарши санкцияларнинг тўртинчи пакетини тайёрламоқда

Янги пакет россиялик дипломатларнинг бир қисмини чиқариб юбориш, Россия президенти Владимир Путиннинг атрофидагиларга ва банк тизимига қарши санкцияларни кучайтиришни ўз ичига олади.

Фото: Reuters

Евроиттифоқ Россияга қарши санкцияларнинг янада кескин бўлган тўртинчи пакетини тайёрламоқда. Бу ҳақда “Европейская правда” хабар берди.

Хабарга кўра, янги пакет россиялик дипломатларнинг бир қисмини чиқариб юбориш, Россия президенти Владимир Путиннинг атрофидагиларга ва банк тизимига қарши санкцияларни кучайтиришни ўз ичига олади.

Шунингдек, "россиялик коррупционерлар реестри" шакллантирилади. Унга Кремлга яқин бўлган ҳукумат вакиллари ва бизнесменлар киритилади.

Аввалроқ Ғарб Россияга қарши иқтисодий санкциялар киритганди.

Бундан ташқари, 30дан ортиқ мамлакат Россия учун ҳаво кенгликларини ёпди.