Намангандаги хонадонлардан бирида ёнғин содир бўлди

Наманган вилояти ФВБ ахборот хизматининг хабар беришича, 1 март куни соат 14:46 да Наманган шаҳар Фавқулодда вазиятлар бўлимига “Озод” МФЙ Фидокор кўчаси 1-берк 2-уйда ёнғин содир бўлаётганлиги тўғрисида маълумот келиб тушган.

Келиб тушган маълумотга асосан, Наманган шаҳар Фавқулодда вазиятлар бўлими ёнғин қутқарувчилари воқеа жойига етиб борган ва ёнғин жойи ўраб олиниб, бартараф этилган.

Ёнғин натижасида хонадоннинг шифт ва ички қисмидан 40 кв метр жойи ҳамда қисман уй-рўзғор буюмлари ёниб, зарарланган. Ёнғинда фуқароларнинг куйиб тан жароҳати олиш ҳамда ҳалок бўлиш ҳолатлари кузатилмаган.

Ёнғин тўлиқ бартараф этилгандан сўнг, хонадоннинг ёнғинга қарши ҳолати ўрганилганда, табиий газ резина шланг орқали уланганлиги ҳамда иситиш мақсадида қўлда ясалган ностандарт тунука печкадан фойдаланаётганлиги аниқланган.

Ҳозирда содир бўлган ёнғин юзасидан терговга қадар суриштирув ишлари олиб борилмоқда.