Россияда Facebook блокланди

Таъкидланишича, мазкур чора Россия ОАВнинг ижтимоий тармоқдан фойдаланиши чеклангани сабабли қўлланилган.

Фото: Global Look Press

Роскомнадзор Россияда Facebook ижтимоий тармоғини блоклади. Бу ҳақда идора сайтида хабар қилинди.

“2020 йил октябрдан буён ана шундай 26та ҳолат қайд этилди. Охирги кунларда “Звезда” телеканали, РИА Новости агентлиги, Sputnik, Russia Today ҳамда “Лента.ру” ва “Газета.ру” нашрларига чеклов киритилган”, дейилади хабарда.

Қайд этилишича, Россия қонунчилигига кўра, бундай чекловлар ўрнатиш тақиқланган.

Роскомнадзор аввалроқ Facebook ижтимоий тармоғига кириш қисман чекланишини билдирганди. Бунга қадар Meta компанияси Россия ҳукуматининг аккаунтлардан чекловларни олиб ташлаш талабини бажаришни рад этганди.