Контракт тўлаш муддати 1 апрелга қадар узайтирилди

Узайтирилган тўлов-контракт муддати ОТМнинг бакалавр, магистратура талабалари, коллеж ва техникум ўқувчилари учун амал қилади.

Фото: Kun.uz

2021/2022 ўқув йилида олий ва профессионал таълим муассасалари талаба ва ўқувчилар ўқиши учун контракт миқдорини тўлашнинг сўнгги муддати 2022 йилнинг 1 апрел санаси этиб белгиланди, деб хабар қилди Олий ва ўрта махсус таълим вазирлиги.

Ушбу муддат:

тўлов-контракт асосида талабаликка (магистратура, бакалавр) тавсия этилганлар;
тўлов-контракт асосида профессионал таълим муассасалари (техникум, коллеж)га ўқувчиликка тавсия этилганлар;
табақалаштирилган тўлов-контракт асосида талабаликка тавсия этилганлар;
ўқиши кўчирилган (кўчириб тикланган) ва қайта тикланган талабалар учун амал қилади.

Бунгача контракт тўлаш муддати 1 мартга қадар узайтирилган эди.