OTMlarda kontrakt to‘lovlari muddati 1 martga qadar uzaytirildi

Davlat komissiyasining tegishli qaroriga muvofiq, 2021/2022 o‘quv yilida oliy va professional ta’lim muassasalari talaba va o‘quvchilar o‘qishi uchun kontrakt miqdorini to‘lashning so‘nggi muddati 2022 yilning 1 marti etib belgilandi.

Foto: Kun.uz

Respublika ta’lim muassasalariga o‘qishga qabul qilish bo‘yicha Davlat komissiyasining tegishli qaroriga muvofiq, 2021/2022 o‘quv yilida oliy va professional ta’lim muassasalari talaba va o‘quvchilar o‘qishi uchun kontrakt miqdorini to‘lashning so‘nggi muddati 2022 yilning 1 marti etib belgilandi.

Bu haqda Oliy va o‘rta maxsus ta’lim vazirligi matbuot xizmati Kun.uz'ga xabar berdi.

Ushbu muddat quyidagilar:

to‘lov-kontrakt asosida oliy ta’lim muassasalariga talabalikka (magistratura, bakalavr), professional ta’lim muassasalari (texnikum, kollej)ga o‘quvchilikka tavsiya etilganlar;
tabaqalashtirilgan to‘lov-kontrakt asosida professional ta’lim muassasalari (kollej, texnikum)ga o‘quvchilikka tavsiya etilganlar;
o‘qishi ko‘chirilgan (ko‘chirib tiklangan) va qayta tiklangan talabalar uchun amal qiladi.

Ta’kidlanishicha, qarorga kelinishida ko‘pchilik abituriyentlar va ularning ota-onalarining murojaatlari inobatga olingan.