Германияда деярли барча коронавирус чекловлари бекор қилинади

Германия бундестаги аҳолини юқумли касалликлардан ҳимоя қилиш тўғрисидаги қонунга тузатишлар киритилишини маъқуллади. 

Тузатишлар мамлакатда жорий этилган коронавирус чекловларини юмшатишга қаратилган. 

Эндиликда "базавий ҳимоя" деб аталувчи қоида амал қилади. Унга кўра, жамоат транспорти, шифохона, қариялар уйлари, қочқинларни жойлаштириш марказларида тиббий ниқоб тақилади.

Бундан ташқари, қариялар уйлари, мактаблар ва боғчаларда мажбурий тест олиниши кўзда тутилган.

Ўзгартиришлар мухолифатнинг танқидига учради. Бунга вирус билан касалланиш суръатининг тезлашгани сабаб бўлди. Роберт Коҳ номидаги институтнинг маълумотларига кўра, 18 март куни Германияда 297 минг 845 та касалланиш ҳолати аниқланган.

Шу билан бирга, экспертларнинг фикрича, "омикрон" тарқалиши мамлакатдаги касалхоналарга ортиқча босим юкламайди.