Жиззах вилояти ички ишлар органлари тизимида бир қатор тайинловлар амалга оширилган. Бу ҳақда вилоят ИИБ ахборот хизмати хабар бермоқда.
Фото: KUN.UZ
Ички ишлар вазирининг 2022 йил 24 мартдаги шахсий таркибга оид буйруғига мувофиқ подполковник Ўктам Асқаров ротация тартибида Шароф Рашидов тумани ИИБ бошлиғи лавозимидан озод этилиб, Жиззах шаҳар ИИБ бошлиғи лавозимига тайинланган.
Айни шу тартибда Жиззах шаҳар ИИБ бошлиғи лавозимида фаолият кўрсатган подполковник Акмал Муродов Шароф Рашидов тумани ИИБ лавозимига тайинланган.
Шунингдек, подполковник Исроилжон Нурматов Дўстлик тумани ИИБ бошлиғи лавозимидан озод этилиб, Ғаллаорол тумани ИИБ бошлиғи лавозимига тайинланган.
Ғаллаорол тумани ИИБ бошлиғи лавозимида фаолият кўрсатган подполковник Бекзод Наимов Дўстлик тумани ИИБ бошлиғи лавозимига тайинланган.
Аввалроқ Жиззах вилояти прокуратурасида бир қатор тайинловлар амалга оширилганди.
