Фото: Кўксарой қароргоҳида Туркия етакчиси тантанали кутиб олинди

Кўксаройда Ўзбекистон Республикаси ва Туркия Республикаси Президентларини расмий кутиб олиш маросими бўлди.

Фото: Президент матбуот хизмати

Шавкат Мирзиёев ва Ражаб Тоййиб Эрдўған шоҳсупага кўтарилди. Ўзбекистон ва Туркия давлат мадҳиялари янгради. Фахрий қоровул тантанали равишда давлат раҳбарлари олдидан саф тортиб ўтдилар.

Маросимда икки мамлакат расмий делегациялари аъзолари ҳам ҳозир бўлди.

Айни пайтда давлат раҳбарларининг тор доирадаги музокаралари бўлиб ўтмоқда.