Қайд этилишича, бу чора "маҳаллий ишлаб чиқарувчиларнинг тегирмончиларга буғдой сотишни хоҳламаётгани" билан боғлиқ.
Фото: Getty Images
Қозоғистон ички бозорни ҳимоя қилиш учун буғдой ва ун экспортига вақтинчалик чекловлар киритиш устида иш олиб бормоқда. Бу ҳақда республика қишлоқ хўжалиги вазири Ербол Карашукеев маълум қилди.
"Буғдой ва ун экспортига чекловлар киритиш устида иш олиб борилмоқда", - деди у.
Карашукеевнинг сўзларига кўра, бу чора "маҳаллий ишлаб чиқарувчиларнинг тегирмончиларга буғдой сотишни хоҳламаётгани" билан боғлиқ.
"Россия буғдой экспортини тақиқлади, вазиятни биламиз, назоратда ушлаб турибмиз. Бизда ички бозор учун буғдой етарли... экспортга ҳам қолади. Экспортёрлар ички бозорга сотишни истамаяпти, экспорт нархи ошишини кутяпти", - деди вазир.
Шу билан бирга, Карашукеев чекловлар қачондан киритилишини айтмади.
