Март охирида Россия президенти Владимир Путин “нодўст давлатлар”га табиий газ фақат рублда сотилиши кўзда тутилган фармонни имзолаганди.
Фото: Picture Alliance/DPA
Венгрия Россия гази учун рублда пул тўланишининг техник ечимини ишлаб чиқмоқда. Бу ҳақда Венгрия ташқи ишлар ва ташқи иқтисодий алоқалар вазири Петер Сийярто маълум қилди.
Унинг сўзларига кўра, Венгрия "Газпром"га илк тўлов мажбуриятини май охирида бажаради, ҳозир эса техник ечим тафсилотлари ишлаб чиқилмоқда.
"Венгрия электр таъминоти хавфдан холи ва шундай бўлиб қолади", - деди у.
31 март куни Россия президенти Владимир Путин “нодўст давлатлар”га табиий газ фақат рублда сотилиши кўзда тутилган фармонни имзолаганди.
Фармонда айтилишича, Россиядан газ сотиб олишни истаган Ғарб давлатлари Россия банкларида ҳисобрақами очиши керак.
