Буюк Британия бош вазири Борис Жонсон, ташқи ишлар вазири Элизабет Трасс, мудофаа вазири Бен Уоллеснинг Россияга кириши тақиқланди.
Россия Лондон санкцияларига жавоб чораси сифатида Британия ҳукуматининг қатор сиёсий арбобларига қарши санкциялар киритди.
Қайд этилишича, Россия "стоп-листи" "Буюк Британия ҳукуматининг мислсиз даражадаги душманона ҳаракатларига жавобан" шакллантирилган.
Унга кўра, Буюк Британия бош вазири Борис Жонсон, ташқи ишлар вазири Элизабет Трасс, мудофаа вазири Бен Уоллеснинг Россияга кириши тақиқланади.
Шунингдек, Россияга кириши тақиқланганлар рўйхатидан адлия вазири Доминик Рааб, молия вазири Риши Сунак, ички ишлар вазири Прити Пател ўрин олган.
Таъкидланишича, Москва яқин вақт ичида "стоп-лист"ни кенгайтиради.
