Антониу Гутерриш Мариуполдаги вазиятни инқироз ичидаги инқироз деб атади.
БМТ бош котиби Антониу Гутерриш Киевда Украина президенти Владимир Зеленский билан Мариуполдан аҳолини эвакуация қилиш масаласини муҳокама қилди.
Унинг сўзларига кўра, эвакуация жараёнини воқеликка айлантириш бўйича фаол муҳокама бўлиб ўтган.
"Биз "Азовстал"дан одамларни эвакуация қилиш учун бор имкониятларни ишга соламиз", - деди у.
Гутерриш Мариуполдаги вазиятни инқироз ичидаги инқироз деб атади.
Аввалроқ Гутерриш Россия президенти Владимир Путин ва ташқи ишлар вазири Сергей Лавров билан учрашганди.