Қизлари билан бева қолган киши ва Донбассдаги мерганлар отряди ҳаёти. Уруш суратлари

Украинада урушнинг 87-куни ўтди.

Португалия бош вазири Антонио Коста Ирпенга ташриф буюрди
AP Photo/Efrem Lukatsky

Украинадаги уруш, сўнгги маълумотлар:

21 май куни Северодонецк ҳудудида жанглар давом этди, россиялик ҳарбийлар Украина армиясининг бу ердаги плацдармини Лисичанск жануби билан боғловчи кўприкни вайрон қилди; кейинроқ Луганск области раҳбари россияликларнинг кўприкка зарба берган техникаси йўқ қилингани ҳақида хабар берди.
Курск областидаги Украина билан чегарадош посёлкаларга миномётлардан зарба йўлланган.
Мариуполдан Украинанинг бошқа ҳудудларига эвакуация бўлиш амалда имконсиз ишга айланди — шаҳар маъмурияти хабар қилишича, россиялик ҳарбийлар иккинчи даражали йўлларга ҳам блокпостлар ўрнатган.
ЛДПР партиясининг Давлат думасидаги фракцияси етакчиси, Украина билан музокараларда Россия делегацияси иштирокчиси Леонид Слуцкий Москвадагилар Виктор Медведчукни «Азов» жангчиларига алмашиш имконияти кўриб чиқилаётганини хабар қилди (кейинроқ у унинг сўзлари контекстдан узиб олинганини айтиб чиқди).
Украина президенти Володимир Зеленский Украина портлари блокировка бўлиб қолгани туфайли 22 млн тонна буғдой ва бошқа озиқ-овқат маҳсулотларини экспорт қилиш имкони йўқлигини айтди.
Жо Байден Украинага яна 40 миллиард долларлик ёрдам ажратиш тўғрисидаги қонунни имзолади.
Россия транспорт вазири Виталий Савельев Украинага босқин туфайли жорий этилган санкциялар «амалда Россиядаги бутун логистика тизимини бузгани»ни тан олди.

Қуйида 20-21 май кунлари Украинанинг турли ҳудудларида олинган суратлар.

Донбасс шимоли

Северодонецкка 17 май куни берилган зарбалар вақтида рафиқасини йўқотган киши икки ёшли эгизак қизлари билан Лисичанскдан эвакуация бўлишини кутмоқда.
Aris Messinis / AFP / Scanpix / LETA

Украин ҳарбийси Луганск области Лисичанск шаҳрида ёнаётган украинлар техникаси яқинидан ўтмоқда
Aris Messinis / AFP / Scanpix / LETA

Украин ҳарбийси Лисичанск ўққа тутилиши вақтида ҳалок бўлган сафдоши жасади олдида
Aris Messinis / AFP / Scanpix / LETA

Украин армияси танки Лисичанск яқинидаги фронт чизиғида
Aris Messinis / AFP / Scanpix / LETA

Северодонецк ўққа тутилиши вақтида кўтарилган қуюқ тутун. Фронт чизиғи ушбу шаҳар яқинидан ўтади, шаҳар украин армиясининг Шимолий Дондан шимолдаги муҳим плацдарми ҳисобланади.
Aris Mesinis / AFP / Scanpix / LETA

Харобалар орасидаги тўй фотосурати, Краматорск
Francisco Seco / AP / Scanpix / LETA

Бахмутдаги университет шаҳарчаси ўққа тутилиши оқибатлари, Донецк области
Carlos Barria / Reuters / Scanpix / LETA

Украин ҳарбий хизматчилари Донбассдаги фронт чизиғи яқинида ярадор қуролдошларига ёрдам кўрсатмоқда
AFP / Scanpix / LETA

Донбассдаги фронт чизиғи яқинидаги ярадор украин ҳарбийлари
AFP / Scanpix / LETA

Мариупол шаҳрининг Азов денгизи бўйидаги қисмида зарбалардан шикастланган уйлар
AP Photo/Alexei Alexandrov

Мариупол шаҳридаги жанглар вақтида вайрон қилинган трамвайлар
AP Photo/Alexei Alexandrov

Харков области

Украина қуролли кучлари ҳарбийси олдинги чизиқда россияликлар позициясини кузатмоқда. 93-бригада аскарлари Изюмдан жанубдаги россияликлар ҳужумини қайтариш учун жанг қилмоқда.
John Moore / Getty Images

Харков атрофидаги Олҳовка қишлоғидаги товуқ катагида қолган россиялик аскар жасади.
Bernat Armangue / AP / Scanpix / LETA

Эски Салтов қишлоғи аҳолиси нон ва сигарет сотиб олиш учун навбатда турибди. Бир ойдан ошиқ вақт россияликлар оккупациясида бўлган посёлка яна украинлар назоратига қайтган. Эски Салтов ҳамон фронт чизиғига яқин ва доимий равишда зарбаларга учрамоқда.
Bernat Armangue / AP / Scanpix / LETA

Харковга зарбалар чоғида шикастланган металл девор
Dimitar Dilkoff / AFP / Scanpix / LETA

Харковдаги турар жойлар. Россия қўшини сўнгги ҳафталарда шаҳардан шимолга, Белгород области билан чегара томон суриб ташланган, аммо сўнгги кунда бу ҳудудда россияликлар қарши ҳужуми кузатилди.
John Moore / Getty Images

Харковдаги православ черков ертўласида тушлик қилаётган қочқинлар
Bernat Armangue / AP / Scanpix / LETA

Украинлар ҳарбий вертолёти корпуси. John Moore / Getty Images

Киев

Марьинка яқинида снайперлар отряди

Донецкдан жануби-ғарбда жойлашган Марьинка шаҳри яқинидаги отряд бир неча кун олдин, 16–17 май кунлари суратга олинган. Бу ерда жанглар урушнинг илк кунларидан буён давом этмоқда, аммо бу ҳудудда фронт чизиғи деярли ўзгармаган. Глеб Гаранич олган суратлар снайперлар ишини кўриш учун камдан кам учрайдиган имконият — шу вақтга қадар украинлар томонидан бундай суратлар деярли тақдим этилмаганди.