G7 етакчилари Россияга қарши янги чораларни муҳокама қилади

Оқ уй вакили Жон Кирбининг айтишича, иттифоқчилар «Россияни жаҳон иқтисодиётидан янада ажратиш учун янги мажбуриятларни» ўз зиммаларига олади.

Фото: AFP

«Катта еттилик» (G7) саммити иштирокчилари Украинадаги вазият сабабли Россия раҳбариятига қарши келгуси чораларни муҳокама қилади, деди Оқ уй вакили Жон Кирби.

«G7 раҳбарларининг эътибори уруш натижасида жаҳон иқтисодиётига нисбатан пайдо бўлган чорловларга қарши қандай туришгагина эмас, балки Путинни жавобгарликка тортишни қандай давом эттириш, у буни эшитишини таъминлашга ҳам қаратилади»,— деди у.

Кирбининг айтишича, иттифоқчилар «Россияни жаҳон иқтисодиётидан янада ажратиш учун янги мажбуриятларни» ўз зиммаларига олади.

24 июн куни АҚШ давлат котиби Энтони Блинкен G7 саммитида Украинадаги вазиятни дипломатик йўл билан ечишни муҳокама қилиш режалаштирилаётганини айтганди.

G7 таркибидан Буюк Британия, Германия, Италия, Канада, Франция, Япония ва АҚШ ўрин олган.

Саммит 26-28 июн кунлари бўлиб ўтади.