Ўзбекистон Хитой ва Россиядан 5 млрд долларлик маҳсулотлар сотиб олди

Қўмита маълумотларига кўра, 2022 йилнинг январь-май ойларида  Ўзбекистон импортида юқори улушга эга бўлган ҳамкор давлатлар орасида Хитой етакчилик қилмоқда – 2,7 млрд доллар.

Кейинги ўринлардан мос равишда 2,3 млрд доллар ва 1,3 млрд долларлик маҳсулотлар олиб келинган Россия ва Қозоғистон жой олди.

Ушбу кўрсаткич қолган давлатлар кесимида қуйидагича кўринишга эга: 

• Корея – 1,1 млрд;
• Туркия – 698,5 млн;
• Германия – 465 млн;
• Туркманистон – 260 млн;
• Ҳиндистон – 249 млн;
• АҚШ – 192 млн;
• Бразилия – 170 млн АҚШ доллари.

Бундан олдин Ўзбекистон маҳсулотлари кўпроқ қайси хорижий давлатларга сотилаётгани маълум бўлганди.

2022 йилнинг январь-май ойларида Ўзбекистон экспортида юқори улушга эга бўлган ҳамкор давлатлар орасида Хитой етакчилик қилмоқда – 1,05 млрд доллар.