АҚШ фуқаролари Самарқанддаги Регистон майдони олдида никоҳдан ўтишди

Фото: Самарқанд вилояти туризм ва маданий мерос бошқармаси

Самарқанд вилояти туризм ва маданий мерос бошқармаси ахборот хизматининг хабар беришича, 2022 йил 4 июл куни АҚШ фуқаролари Регистон майдони олдида расмий никоҳдан ўтишган.

АҚШ фуқаролари Маршалл Майер ва Эбрў Жаннинг никоҳини Самарқанд шаҳар ФХДЁ ходимлари Регистон майдонининг қаршисида қайд этишган ва уларга никоҳ гувоҳномаси беришган.

Маълум бўлишича, Маршалл бундан бир неча йил олдин Ўзбекистонга амалга оширган саёҳати пайтида Самарқанд шаҳрида бўлган ва бу шаҳарни ёқтириб қолган.

Ватанига қайтганидан сўнг АҚШдаги ўзбек миллий таомлари пишириладиган рестораннинг доимий мижозига айланган ва бўлажак турмуш ўртоғи билан шу ерда яқиндан танишган.