Тошкент вилоятида 371 та машина газ баллонида камчиликлар аниқланди

Тошкент вилоятида автомобиль газ баллони билан боғлиқ содир бўлиши мумкин бўлган 370 дан ортиқ кўнгилсиз ҳолат олди олинди.

Фото: Тошкент вилояти ИИБ ЙҲХБ матбуот хизмати

Вилоят ҳудудида ўтган 7 ой мобайнида хизмат давомида транспорт воситалари 371 тасида ўрнатилган газ баллонларда бир қатор камчиликлар аниқланди.

Тошкент вилояти ИИББ ЙҲХБ хабарига кўра, бунда ўрнатилган газ баллонлари талабга жавоб бермаслиги, тегишли рухсат олмай ўрнатиб олингани, Вазирлар Маҳкамаси қарори талаблари асосида ўрнатилмагани аниқланди.

Ҳолатлар юзасидан ҳайдовчиларга нисбатан маъмурий баённома расмийлаштирилди ва автоуловлар вақтинчалик жарима майдонига қўйилди.

Автоуловларни жарима майдонидан чиқариш вақтида ноқонуний газ баллонлари автомобилдан олинган.