Тошкентда бугун 4 балли магнит бўронлари бўлиши прогноз қилинмоқда

Бугун кундузги 3 соатлик муддат оралиғида магнит бўронларини 4 балли кучи бўлиши кутилмоқда. Бу ҳақда “Ўзгидромет” мутахассиси Эркин Абдулаҳадов хабар берди.

Магнит бўрони юқори фаоллиги туш пайтига тўғри келаётгани учун, бу омил организмга салбий оқибатларини юмшатиш мақсадида, овқатланиш рационига балиқ ва кўкат маҳсулотларини киритиш, истеъмол қилиш тавсия этилади.

Магнит бўронлари G3 даражаси кузатилган даврда кўпчиликда бош қисми орқа томонида бироз оғриш кузатилади. Бу пайтда шу каби инсонларга камроқ ҳаракат қилиш ҳамда уйда кўпроқ ўтириш тавсия этилади.