Сергели туманида “Ваз-2106” иштирокида йўл-транспорт ҳодисаси содир бўлди.
Фото: Тошкент шаҳар ИИББ ЙҲХБ
Жорий йил 14 август куни соат 07:30 ларда Сергели туманида яшовчи, 2002 йилда туғилган фуқаро П.И. “Ваз-2106” транспорт воситасида Сергели тумани Янги Сергели кўчаси бўйлаб автомашиналар сотуви бозори томондан жанубий темирйўл вокзали томонга ҳаракатланиб кетаётган бўлган.
Тошкент шаҳар ИИББ ЙҲХБ хабарига кўра, у “Турон” савдо мажмуаси биноси қаршисида рул бошқарувини йўқотиб дарахтга урилган.
Йўл-транспорт ҳодисаси оқибатида ҳайдовчи тан жароҳати олиб, шифохонага ётқизилган. Ҳолат юзасидан тегишли ҳужжатлар расмийлаштирилиб, ҳозирда суриштирув ҳаракатлари олиб борилмоқда.
