Жаҳон | 15:27 / 20.08.2022

23037

3 дақиқада ўқилади

Донбассдаги танкчилар, миналардан тозаланаётган дарё. Уруш суратлари

19 август куни Америкадаги Politico нашри АҚШ Украина Қрим бўйлаб зарбалар беришини маъқуллагани ҳақида хабар қилди. Шу куни, яриморол раҳбарияти маълум қилишича, Евпаторияда ҳам ҳаво ҳужумидан мудофаа тизимлари ишлаган. BBC рус хизмати ва «Медиазона» очиқ манбалар асосида 5701 нафар россиялик ҳарбий Украинада ҳалок бўлганини тасдиқлади. Украин шаҳарлари ва қишлоқлари Россия томонидан ўққа тутилиши давом этмоқда.

Миколайив областидаги вайронгарчиликлар

Миколайив областининг Шевченково қишлоғидаги уйлардан бирига санчилиб портламай қолган ракета. Миколайив шаҳри ва област ҳудуди Россия томонидан мунтазам равишда ўққа тутилмоқда, бу ҳудудга март ойидаги ҳужумлар муваффақиятли қайтарилганди. Фото: Alex Chan Tsz Yuk / SOPA Images / ZUMA Press Wire / Scanpix / LETA

Миколайив области Шевченково қишлоғида россияликлар зарбасидан шикастланган уй томи. Украина ҳукумати мамлакат жанубида қарши ҳужум бошлангани ҳақида эълон қилган, аммо амалда томонлар узоқ масофадан бир-бирини ўққа тутиш билан чекланмоқда.
Alex Chan Tsz Yuk / SOPA Images / ZUMA Press Wire / Scanpix / LETA

Донбасс шимолидаги танкчилар

Донецк областидаги украин танкчилари ўз зирҳли техникасига ёнилғи қуймоқда. Россия армияси Бахмут, Соледар ва Северск ҳудудида юришларни давом эттирмоқда, аммо бу жараён жуда секин кечмоқда, россиялик ҳарбийлар кунига кўпи билан бир неча юз метрга илгариламоқда.
Anatolii Stepanov / AFP / Scanpix / LETA

Украиналик танкчи ўз машинаси бортига снарядлар юкламоқда
Anatolii Stepanov / AFP / Scanpix / LETA

Донбасс фронтида украин танкининг механик-ҳайдовчиси
Anatolii Stepanov / AFP / Scanpix / LETA

Константиновкида гуманитар ёрдам тарқатилиши

Донецк области Константиновки шаҳри аҳолиси Украина проваслав черковининг Авлиё Сретенский ибодатхонаси томонидан тарқатилаётган гуманитар ёрдам учун навбат кутмоқда. Константиновка россияликлар армиясининг Донбассдаги асосий нишонларидан бири бўлган Краматорск шаҳридан жанубда жойлашган.
David Goldman / AP / Scanpix / LETA

Константиновкилик аёл гуманитар ёрдам олмоқда. Фронт чизиғида жойлашган ушбу шаҳар Россия армияси томонидан мунтазам равишда ўққа тутилмоқда. Фото: David Goldman / AP / Scanpix / LETA

Харкив ўққа тутилиши оқибатлари

Россияликлар ракета зарбасига учраган Харкивдаги бинолардан бири ўрнидаги харобалар
Sergey Bobok / AFP / Scanpix / LETA

Харкив политехника университети корпусларидан бири 19 август куни Белгород томондан туриб ўққа тутилди
Sergey Bobok / AFP / Scanpix / LETA

Днепрнинг Черкасс ҳудудидан ўтган қисми миналардан тозаланиши

Украина фавқулодда вазиятлар давлат хизмати ходимлари Черкасс ҳудудида Днепр дарёсида аниқланган хавфли портловчи объектни масофадан туриб портлатишга тайёрламоқда. Фото: Genya Savilov / AFP / Scanpix / LETA

Днепрнинг Черкасс ҳудудидан ўтган қисмига ўрнатилган мина портлатилиши
Evgen Kotenko / Укринформ / ZUMA Press Wire / Scanpix / LETA

Муаллиф: Азиз Қаршиев

#Украина #уруш суратлари

2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

Мавзуга оид

22:27 / 15.12.2025

Украина ҳарбийлари Россия сувости кемаси йўқ қилингани ҳақида хабар берди

21:27 / 15.12.2025

Тинчлик музокаралари: Украина Донбассдан қўшинларини олиб чиқишга рози эмас

16:31 / 15.12.2025

Украина номидан Россияга кўрсатилаётган босим давом этади – MI6

09:33 / 15.12.2025

Зеленский ва Уиткофф 15 декабрда Германияда музокараларни давом эттиради