Ўзбекистон | 15:36 / 27.08.2022
7748
1 дақиқада ўқилади

Байрам кунлари «Афросиёб» поездининг қўшимча қатновлари йўлга қўйилади

Байрамолди ва байрам кунлари "Афросиёб" поездларининг қўшимча қатновлари йўлга қўйилади. Бу ҳақда Транспорт вазирлиги хабар берди.

Фото: Ўзбекистон темир йўллари

Ўзбекистон давлат мустақиллиги 31 йиллигини нишонлаш муносабати билан "Ўзбекистон темир йўллари" томонидан байрамолди ва байрам кунлари йўловчилар учун қўшимча қулайлик яратиш мақсад қилинган.

Қайд этилишича, Самарқанд – Тошкент – Самарқанд йўналишида "Афросиёб" юқори тезликдаги электропоездлари ҳаракатига 2022 йил 29 августдан 4 сентябргача 1 тадан рейс қўшилади ва жами 7 та рейсни ташкил этади.  

Қўшимча маълумотни Тошкент шаҳридаги 1005 қисқа телефон рақами, жойлардаги темирйўл кассалари ҳамда маълумотлар бюросидан билиб олиш мумкин. 

Мавзуга оид

Эълонлар