Украинанинг урушдан кўрган зарари миқдори очиқланди
Украинанинг Россия ҳужуми натижасида кўрган зарари 326 миллиард долларни ташкил этмоқда. Бу ҳақда мамлакат бош вазири Денис Шмыгаль Брюсселда бўлиб ўтган “Украина-Европа Иттифоқи” ассоциацияси йиғилишида маълум қилган.
“Жаҳон банки экспертлари билан биргаликда қилинган ҳисоб-китобларимизга кўра, Россия томонидан етказилган тўғридан тўғри жисмоний зарар миқдори 326 миллиард долларни ташкил этмоқда”, – дея таъкидлаган Шмыгаль.
Шунингдек, Украина бош вазирининг маълум қилишича, маблағларнинг 105 миллиард доллари вайрон бўлган объектларни тиклаш учун сарфланиши керак бўлган аниқ миқдор ҳисобланади.
“Украинанинг Европа Иттифоқига қўшилиш истаги қатъий ва ўзгармас. Шунинг учун биз визасиз режим бўйича келишувни имзолаш ва Европа Иттифоқининг ички бозорига интеграциялашув бўйича жадал ҳаракат қиляпмиз. Европа Иттифоқидан Украинада сўнгги ойларда амалга оширилган ислоҳотларга ижобий баҳо бергани учун миннатдормиз ва шу йил охирида ЕИга қўшилиш бўйича аниқ йўл харитасига ўтишга тайёрмиз”, – дея қўшимча қилган у.
Мавзуга оид
22:37 / 07.10.2024
Словакия бош вазири Брюсселга «ракета зарбаси беришга» чақирди
12:20 / 07.10.2024
Россия бир сутка ичида Украинани 5000 марта ўққа тутди
11:00 / 07.10.2024
Фицо Украинанинг НАТОга аъзо бўлишига қарши чиқишини билдирди
10:40 / 07.10.2024