Қўшимча функционаллар
-
Тунги кўриниш
Тошкентдан Термизга учган самолёт Бухоро аэропортига йўналтирилди
Uzbekistan Airways’нинг Тошкентдан Термизга учган самолёти Бухоро аэропортига йўналтирилди. «Новости Ташкентского неба» Telegram-канали хабар беришича, HY-065 йўловчи рейси Термиз аэропортидаги ноқулай об-ҳаво шароити — кучли шамол ва чанг бўрони туфайли Бухоро шаҳридаги захира аэропортга йўналтирилган. FlightRadar24 маълумотларига кўра, 11 сентябр куни соат 7:40 да учган самолёт соат 9:00 да Бухоро аэропортига қўнган.
Uzbekistan Airways матбуот хизмати ҳам ҳолат юзасидан маълумот берди.
Авиакомпания 11 сентябр куни Тошкент—Термиз йўналиши бўйича HY-065 рейси Термиз шаҳридаги об-ҳаво шароити (кучли қум шамоли) туфайли ўз йўналишини ўзгартириб, Бухоро халқаро аэропортига қўнганини тасдиқлади.
Қайд этилишича, ҳозирда 124 нафар йўловчи Бухоро халқаро аэропортида бўлиб турибди. Термиз шаҳрида об-ҳаво ўзгариши билан HY-065 авиақатнови белгиланган йўналиш бўйича амалга оширилади.
«Келтирилган ноқулайликлар учун йўловчилар ва уларни кутиб олувчилардан узр сўраймиз», — дейилади хабарда.
Мавзуга оид
17:58
Uzbekistan Airways самолёти двигатели ишламай қолгани сабабли Красноярскка фавқулодда қўнди
09:42 / 15.01.2026
Эрон ҳаво ҳудуди ёпилиши: Uzbekistan Airways, Jazeera ва Fly One Asia рейслари йўналишини ўзгартирди
20:37 / 13.01.2026
Қозоғистон осмонида Ўзбекистон ва Россия самолётлари хавфли яқинлашгани маълум бўлди
20:36 / 30.12.2025