Полша бош вазири Берлиннинг Украина бўйича позициясини танқид қилди
Полша ҳукумати раҳбари Матеуш Моравецкий Берлиннинг Украина ва Россия ўртасидаги низода «қатъиятсизлиги»ни кескин танқид қилди.
Агарда Украина мудофаа масаласида Германияга боғлиқ бўлганида, бу мамлакат бугунга келиб йўқ бўлиб кетган бўларди, деди у Der Spiegel нашрига берган интервюсида.
Полша бош вазирининг сўзларига кўра, Германиянинг сиёсати Европага улкан зарар келтирди ва Берлин билан иттифоқ қийматини жиддий шубҳа остига қўймоқда.
Полша ҳар доим Украинанинг қатъий тарафдорларидан бири бўлган, аммо Германиянинг позицияси Варшаванинг «ҳафсаласини пир қилмоқда», деди Моравецкий.
«Берлин Россия энергиясига қарамлик тўғрисидаги огоҳлантиришларни, хусусан, Полша узоқ вақт қаршилик қилган «Шимолий оқим-1» ва «Шимолий оқим-2» қувурларини инкор қилиб келди. Агарда Украина мудофаа масаласида Германияга боғлиқ бўлганида, бу мамлакат бугунга келиб йўқ бўлиб кетган бўларди»,- деди у.
Моравецкийнинг таъкидлашича, немислар ҳар доим Москвага ён босиб келган, Россияга бўйсунган.
«Аммо биз Россия борасидаги барча огоҳлантиришларимизда ҳақ эдик. Ҳозир бизни аввалгига нисбатан кўпроқ эшитишяпти»,- деди у.
Мавзуга оид
19:10 / 30.09.2024
Полша президенти фуқароларни ҳақорат қилгани учун судга чақирилади
15:20 / 28.09.2024
Полша Ўзбекистон телекоммуникация операторлари билан ҳамкорликни йўлга қўяди
13:42 / 28.09.2024
Урганчда Ўзбекистон – Полша бизнес-форуми ўтказилди
00:21 / 27.09.2024