Пахта кластерлари йўқ ҳудудларда фермерлар кооперация ташкил қилиши мумкин

Пахта-тўқимачилик кластерлари йўқ ҳудудларда пахта тозалаш корхоналари негизида фермер хўжаликлари ихтиёрий кооперациялари ташкил этилади.

Фото: Kun.uz

“Ҳуқуқий ахборот” каналида ёзилишича, қуйидагилар кооперациянинг асосий вазифалари ҳисобланади:

кооперация аъзолари томонидан пахта етиштириш учун зарур техника, ускуна, транспортдан, пахта тозалаш заводларидан биргаликда фойдаланишни ташкил этиш;
кооперация ва улар аъзолари ўртасидаги шартнома асосида қишлоқ хўжалиги техникаси, ёнилғи-мойлаш материаллари, минерал ўғит, уруғлик, кимёвий ва биологик ҳимоя воситалари билан таъминлаш;
кооперация билан ҳамкорлик қилиш учун экспорт қилувчиларни жалб этиш, ички ва ташқи бозорларда маркетинг тадқиқотлари ўтказиш;
кооперация аъзолари томонидан ишлаб чиқариладиган пахта толаси ва иккиламчи маҳсулотларни биржада ёки биржада шаклланган нархларда тўғридан тўғри шартномалар асосида сотиш.