АҚШ ва Россия мудофаа вазирлари телефонда гаплашди

Фото: ТАСС

Россия мудофаа вазири Сергей Шойгу ҳамда АҚШ мудофаа вазири Ллойд Остин телефон орқали мулоқот қилди. Бу ҳақда Россия Мудофаа вазирлиги расмий саҳифасида хабар берилди.

Манбада айтилишича, томонлар халқаро хавфсизлик масаласида актуал мавзулар, хусусан, Украина ҳақида гаплашган.

Пентагон раҳбари Ллойд ва Россия мудофаа вазири Шойгу уруш бошлангандан буён иккинчи марта телефон орқали мулоқот қилди. Охирги марта улар май ойида гаплашган, ўшанда Россия мудофаа вазирлиги телефон суҳбати АҚШ томонининг ташаббуси билан амалга оширилганига урғу берганди. Бу гал эса қўнғироқ ким томонидан амалга оширилгани аниқ эмас.

Тайёрлаган: Ўткир Жалолхонов

#АҚШ #Россия #Сергей Шойгу #Ллойд Остин