Сардор Умрзоқов Анқарада Ражаб Тоййиб Эрдўған билан учрашди

Фото: Туркия президенти матбуот хизмати

25 октябр куни Ўзбекистон президенти администрациясининг раҳбари Сардор Умрзоқов Анқарада Туркия президенти Ражаб Тоййиб Эрдўған билан учрашди. Туркия президенти матбуот хизмати музокара тафсилотларини очиқламаган.

Анадолу нашрининг ёзишича, Анқарадаги президент саройида учрашув ОАВ учун ёпиқ тартибда бўлиб ўтган.

Шунингдек, Сардор Умрзоқов Эрдўған билан «Менинг биринчи уйим, биринчи иш жойим лойиҳаси» ижтимоий лойиҳаси биносининг қурилишига тамал тоши қўйиш маросимида қатнашди.